- Լրացրու տառերը, կետադրիր։
- Դուրս գրիր բայերը, որոշիր քերականական հատկանիշները (դիմավոր-անդեմ, որ խոնարհման է, եթե անդեմ է, որ դերբայն է, եթե դիմավոր է, որ եղանակն է, որ ժամանակը, որ ժամանակային ձևը, բայը պարզ է, թե ածանցավոր, որ սեռի է)։
- Ընդգծված բառերը ձևաբանական վերլուծության ենթարկիր։
- Գտիր երեք հնչյունափոխված բառ, որոշիր՝ ինչ հնչյունափոխություն է տեղի ունեցել։
- Տեքստից գտիր լրաբեր, ճանապարհվել, տեղեկացնել, հին, մարտական, հանձնարարել, արփի, ճառագայթ, առատորեն բառերի հոմանիշները։
Սկսվել էին երկու հարյուր իննսունմեկերորդ օլիմպիական խաղերը. երեք հարյուր ութսունհինգ թվականն էր։ Երեք ամիս առաջ գարնան սկզբին արագոտն սուրհանդակներն Օլիմպոսից ուղևորվել էին կայսրության չորս կողմերը՝ նույնիսկ նրա սահմաններից դուրս ազդարարելու առաջիկա խաղամրցումների մասին։ Խաղերի մրցակարգը վաղնջական ժամանակներում օրենսդիր Լիկուրգոսի ձեռքով գրված պատվիրում էր մրցումների ժամանակաշրջանում ռազմական գործողությունների դադարեցում և պատերազմող կողմերի միջև հաշտությունը տևում էր ավելի քան հարյուր օր։
Հետմիջօրեի արևի կլոր սկավառակը կախվել էր Օլիմպոսի վրա իր ոսկեդեղնան ճաճանչներով, շռայլորեն լուսավորելով նրա՝ դարերի համար կառուցված վեհապանձ տաճարներն ու հուշարձանները։
Խաղերին մասնակցում էին ամենքը՝ ունևորներն ու չքավորները, կտրիճ ըմբոստներն ու նշանավոր զորավարները, նաև հասարակ զորականները։
Երբ հնչեց եղջերափողը, ճանապարհի շրջադարձի վրա երևացին ծիրանագույն հանդերձներով պատանիները՝ հուժկու մարմիններով. նրանք տանում էին կայսեր պատգարակը։
1) Դուրս գրիր բայերը, որոշիր քերականական հատկանիշները (դիմավոր-անդեմ, որ խոնարհման է, եթե անդեմ է, որ դերբայն է, եթե դիմավոր է, որ եղանակն է, որ ժամանակը, որ ժամանակային ձևը, բայը պարզ է, թե ածանցավոր, որ սեռի է)։
Սկսվել էին— սահմանական եղանակ, անցյալ վաղակատար, չեզոք սեռ, ածանցավոր՝ կրավորական բայ
ուղևորվել էին— սահմանական եղանակ, անցյալ վաղակատար, չեզոք սեռ, ածանցավոր՝ կրավորական բայ
ազդարարելու— ապակատար դերբայ, չեզոք սեռ, պարզ բայ
գրված— հարակատար դերբայ, ներգործական սեռ, ածանցավոր՝ կրավորական բայ
պատվիրում էր— սահմանական եղանակ, անցյալ անկատար, ներգործական սեռ, պարզ բայ
տևում էր— սահմանական եղանակ, անցյալ անկատար, չեզոք սեռ, պարզ բայ
կախվել էր— սահմանական եղանակ, անցյալ անկատար, չեզոք սեռ, ածանցավոր՝ կրավորական բայ
լուսավորելով—
կառուցված— հարակատար դերբայ, չեզոք սեռ, ածանցավոր՝ կրավորական բայ
մասնակցում էին— սահմանական եղանակ, անցյալ անկատար, չեզոք սեռ, պարզ բայ
հնչեց— անցյալ կատարյալ, չեզոք սեռ, պարզ բայ
երևացին— անցյալ կատարյալ, չեզոք սեռ, պարզ բայ
տանում էին— սահմանական եղանակ, անցյալ անկատար, ներգործական սեռ, պարզ բայ։
2) Ընդգծված բառերը ձևաբանական վերլուծության ենթարկիր։
Երկու հարյուր իննսունմեկերրորդ—
երեք հարյուր ութսունհինգ— քանակական թվական
գարնան— սեռական հոլով, -ան արտաքին հոլովում, հասարակ գ․, ոչ անձնական, եզակի թ․, ոչ նյութական
նրա— անձնական դերանուն, երրո-րդ դեմք, սեռական հոլով
ռազմական— հարաբերական ածական
հաշտությունը— ուղղական հոլով, -ա ներքին հոլովում, հասարակ գ․, ոչ անձնական, եզակի թ․, ոչ նյութական, որոշյալ գ․
ամենքը— ուղղական հոլով, -ի արտաքին հոլովում, հասարակ գ․, անձնական, անեզական գ․, ոչ նյութական, որոշյալ գ․
երբ— հարաբերական դերանուն
ծիրանագույն— որակական ածական
հուժկու— որակական ածական։
3) Գտիր երեք հնչյունափոխված բառ, որոշիր՝ ինչ հնչյունափոխություն է տեղի ունեցել։
4) Տեքստից գտիր լրաբեր, ճանապարհվել, տեղեկացնել, հին, մարտական, հանձնարարել, արփի, ճառագայթ, առատորեն բառերի հոմանիշները։
Լրաբեր— սուրհանդակ
ճանապարհվել— ուղևորվել
տեղեկացնել— ազդարարել
հին— վաղնջական
մարտական— ռազմական
հանձնարարել— պատվիրել
արփի— արև
ճառագայթ— ճաճանչ
առատորեն— շռայլորեն։